الخبل ما له عيادة
والقول في المعقول
بناقص وله بزيادة
عمره الحق ما كان حقين
والباطل ما عاش للستين
الدمع ساكن هالعين
وطول عمرنا متغربين
بنتنقل من لطمة، لنكبة
ومن جولة ،لجولة
ودوم المفاوضات ما بجيب دولة
الوقت ما عنا اله حساب
بمر بالمر والسيف عالرقاب
بنرجي الصبر
والصبر من القهر ذاب
العدالة في دنيتنا عملة الكذاب
و حالنا عالورق بصفحة بيضا
بتقصر وبتشفر في كل كتاب
بدعوا للقمة والكل بارد الهمة
بخطاب بندد وبشجب الارهاب
برضونا بكرت التموين
بكابونة عدس وعلبة سردين
بالمخيم، ما في واحد ولا اثنين
في شعب لاجئ بالملايين
بهتف وين الوحدة وين
وين الحجر وين السكين
يا ابو مازن نادي بالثورة
نادي الكتائب والملثمين
وقف صوب شعبك ولا تلين
عن ثوابتنا لحين
افهم يا محتل
احنا هيك هيك راجعين
