حوار حركنجي وزهرة صبار

ذبحونا يما الواوية
وخلونا نعاتب القدر
أتحزموا بغيم القضية
ونعتونا يما بالغجر
يما.. يما
الصبر فاض فيا
من حوار كله جكر في جكر
يما كيف أسوي ..؟
بعقول مثل الحجر
بكروش شبعانة يوروا ودولار
بنفوس مريضة
مسكونة بغل وغدر
يما دليني عليٍ إلي يهدني
على إلي يشفي غليلي
ولا تخبي عليا
حتى لو كان موتي هدية
يما: طلبك بنحر فيا
بسكين اسمه.. الوطنية
شو بدك مني احكيلك
وأنا لو حكيت
راح يقولوا هذى عجوز علمانية
وأبصر شو...
ويمكن يخلوني صهيونية
يما : احكيلى عن حضن العروبة
عن يبنا وعكا وصفد والبلاد
احكيلى عن عز الدين والشقيري وأبو إياد
احكيلى عن المغارة وفراش الجبل والجياد
احكيلى عن وعد بلفور
والإضراب والانتداب
يما : هيك عارف ماضيك
وقاري تاريخك
ومرسم أراضيك
يما يا حبيبي هات من الأخر
ولا تقصر بالحرف الساخر
يما : بلاقى عندك كيلو كرامة
يما :رموها بالزبالة
يما : بلاقي عندك بلوزة شهامة
يما :إنهرت من كثر الملامة
يما: بلاقى عندك سلطة نظيفة
يما : عمرك شفت قحبة شريفة
يما : الاحتلال .. الاحتلال .. الاحتلال يما
يما : شو أعملك طول ما أنت جنرال
يما : شو الحل
يما : غزة والضفة مش حل
يما : طيب شو الحل
يما : فلسطين كلها بتعود
أنا متأكد يما حتعود
إذا المفاوضات..
إن كتبت بحبر البارود
إذا سمعنا شعبنا
ومن جوا كان القرار حنعود
راح نعود بوحدتنا
تنكمل المشوار
راح نعود