هدية طفل فقد أمه وأبوه ..بعيد الأم

ما بدك تجيب هدية لماما
أمي ..
آه.. أمك وين ..؟
مين.. شو بتحكي .!
أمك يا حبيبي
أمي أخدها الله
لوين .. !!
بالسما ساكنة
تركتني لحالي
وأنا لسا بهادي
ليش .. شو صار
أول مبارح والدنيا شتا
والبرد بسرق من الليل الدفا
سمعنا من بعيد صوت الطخ
واخويا يا حرام من الخوف
..... شخ .....
وأنا رميت دموعي بحضنها
وكمشت فيها ..وقعدت ابكي
حتى نمت وصحيت
والأيد ما تعبت
والجفن شل أضلاعه
تقول مات النوم
وهو بالأصل نادر لما بجيها
كل وقتها مقضيه سهر
ودموع وحسرة على أبوي
اللي استشهد فقر
كنت أقوله بدى عجلة
بدى شبشب
كان يقلى بس ترخص العملة
اسكت وانا عارف
واطلع بأمي
واعمل حالي مش شايف
الله يرحمه
الله يرحمه
احكيلي أنت كيف عايش ..؟
نشكر الله مرخى الشفايف
بهاتي بأخوي ليسكت
والدوم للدايم
وأنا من الجوع دايخ
مرة زعتر ومرة حاف
وقف .. وقف ما تكمل
مليت منك
شو هل الاستخفاف
طبعا ما راح تعمل شي
متعود عليك
متعود على جبنك وسكوتك
متعود على لؤمك واخنوثك
اطلع برا بقولك
أنت مش عربي
ويمكن مش مسلم
شاطر بس تشتم
يلعن وتعلن وأنت بالأصل ارعن
هامل وحامل وعبيط ومفرعن
وراح اكون هدية واكتب وصية
لكل أم وشب وشيخ وصبية
أطفال غزة أملهم رسمة حنيه
بحاجة ليحسوا فيكوا
إن كان فيكوا باقي نخوة عربية
يتامى مثل اليمامة
والحياة لو فيكوا ابعثوا رسالة
لكل أم فلسطينية
وخلو عيد الأم عيد
الأم الفدائية