(1).JPG)
كبر الذقن وكبر الشعر وكبر الهم وكبر ألاه ، وصار لازم نروح لعند الحلاق يمكن يتغير فينا شي ، يمكن نرجع نضحك ونحب بعضنا ،يمكن نسمع " نسم علينا الهوا لفيروز" أو نسمع قصة جديدة من البلاوي اللي بتصير فالبلد ، قصص كثيرة وحكايتنا ما بتخلص، ولو قعدنا نحكى من أول الدهر ما راح نكفي حق الهرج المحبوس فينا .
الحلاق ما بزهق من الحكي وأنت يا حرام قاعد بتسمع مجبور خايف يخربلك شعرك يا اقرع ، وقال شو.. بدو يخليك وسيم بعد الحكى اللي سمعته
اضحك يا مسكين لأنه إذا ما ضحكت فاجأه بتقطع الكهربا وبدك نص نهار تستني لتيجى ، اخ .. مالك نجرحت .. أصلوا في مشاكل بوجهك بدك علاج ، بدك خلطة وحدة وطنية وأصول و ديمقراطية وبدك ناس بتعرف الله وبتخاف على القضية ، وعارف شو بدك كمان بدك علم واحد ونشيد واحد وبدك حكومة وحدة ، أوف .. هذا وجهي فى كثير مشاكل وموضوعي صعب كثير .
لا مش صعب بوجه شعب ما بهاب الموت ولا بهاب القصف ولا القتل ولا الترحيل ولا التهجير ولا ولا ، ولا مين بتقصد ، بقصد اللى عارف حاله قادر يغير من هالوضع لكن ما بدو ، ومين بدو فكرك يتغير هالوضع؟ غير الشعب الغلبان ، انا .. مين انت يا افندي ، انا مواطن من البلد .. طز يا مواطن ، بكره بتجيك رصاصة وله قذيفة وبتموت يعني انت مش دائم ، بدي واحد يوقف بوجه اللى بصير ويقول ... انا زعلان منكم .. وشوف شو بصير ، شو بصير يعني ... بصير انه بطير وببطل بطل، بصير المغدور عميل لجهة أجنبية أو جهة غير شرعية .
وباسمك يا وطن بنضرب وبنعذب وبنقتل ببعضنا علشان بكره تكون فلسطين حرة عربية ،لو سمحت ..باسم مين قلت ... باسمك يا وطن ... وعن أي وطن بتقصد اللى هناك وله اللى هون ، بطلت تفرق المهم وطن والسلام، وفكرك فى سلام ... بقولوا في الأحلام بتحقق الأمل وبنشيد دولة فلسطينية بحلول عام 2100 م ، ول .. شو فيها لو نحلم .. احلم يا حبيبي احلم .
وما تسألني ليش بكتب بالعامية .. راح أقولك يا غلبان يا متخبي يا شارد يا خايف من الكلام ... راح أقولك انه في كثير ناس بطلت تفهم حكينا وبدهم ساعة للترجمة وساعة للتوضيح .. توضيح شو انك فتح ..لاء .. انك حماس .. لاء .. انك جهاد .. لاء.. يمكن جبهه شعبية .. برضوا لاء .... ها مين انت ..؟
انا ابن فلسطين ومكتوب بالهوية مسلم من يبنا المحتلة مواليد جباليا ارض الصمود .. كيف فهمني ... شو أفهمك يا طرازان وأنت متشبع بالحزبية .. انسيتوا فلسطين واللاجئين والأسري والمبعدين والحصار والدمار وبترددوا شعارات عنجهية ، وين دم الشهداء وين .. بكفي هبل وتزمت اللى فينا مكفينا وله انسيتو الاحتلال ومجزرة وصبرا وشاتيلاو تل الزعتر ولبنان وجنين وجباليا بكفينا وله بدكوا تقضوا علينا . لاء ..بس بدنا نحرر أرضينا ..
"برضوا أرجعنا "
الحلاق ما بزهق من الحكي وأنت يا حرام قاعد بتسمع مجبور خايف يخربلك شعرك يا اقرع ، وقال شو.. بدو يخليك وسيم بعد الحكى اللي سمعته
اضحك يا مسكين لأنه إذا ما ضحكت فاجأه بتقطع الكهربا وبدك نص نهار تستني لتيجى ، اخ .. مالك نجرحت .. أصلوا في مشاكل بوجهك بدك علاج ، بدك خلطة وحدة وطنية وأصول و ديمقراطية وبدك ناس بتعرف الله وبتخاف على القضية ، وعارف شو بدك كمان بدك علم واحد ونشيد واحد وبدك حكومة وحدة ، أوف .. هذا وجهي فى كثير مشاكل وموضوعي صعب كثير .
لا مش صعب بوجه شعب ما بهاب الموت ولا بهاب القصف ولا القتل ولا الترحيل ولا التهجير ولا ولا ، ولا مين بتقصد ، بقصد اللى عارف حاله قادر يغير من هالوضع لكن ما بدو ، ومين بدو فكرك يتغير هالوضع؟ غير الشعب الغلبان ، انا .. مين انت يا افندي ، انا مواطن من البلد .. طز يا مواطن ، بكره بتجيك رصاصة وله قذيفة وبتموت يعني انت مش دائم ، بدي واحد يوقف بوجه اللى بصير ويقول ... انا زعلان منكم .. وشوف شو بصير ، شو بصير يعني ... بصير انه بطير وببطل بطل، بصير المغدور عميل لجهة أجنبية أو جهة غير شرعية .
وباسمك يا وطن بنضرب وبنعذب وبنقتل ببعضنا علشان بكره تكون فلسطين حرة عربية ،لو سمحت ..باسم مين قلت ... باسمك يا وطن ... وعن أي وطن بتقصد اللى هناك وله اللى هون ، بطلت تفرق المهم وطن والسلام، وفكرك فى سلام ... بقولوا في الأحلام بتحقق الأمل وبنشيد دولة فلسطينية بحلول عام 2100 م ، ول .. شو فيها لو نحلم .. احلم يا حبيبي احلم .
وما تسألني ليش بكتب بالعامية .. راح أقولك يا غلبان يا متخبي يا شارد يا خايف من الكلام ... راح أقولك انه في كثير ناس بطلت تفهم حكينا وبدهم ساعة للترجمة وساعة للتوضيح .. توضيح شو انك فتح ..لاء .. انك حماس .. لاء .. انك جهاد .. لاء.. يمكن جبهه شعبية .. برضوا لاء .... ها مين انت ..؟
انا ابن فلسطين ومكتوب بالهوية مسلم من يبنا المحتلة مواليد جباليا ارض الصمود .. كيف فهمني ... شو أفهمك يا طرازان وأنت متشبع بالحزبية .. انسيتوا فلسطين واللاجئين والأسري والمبعدين والحصار والدمار وبترددوا شعارات عنجهية ، وين دم الشهداء وين .. بكفي هبل وتزمت اللى فينا مكفينا وله انسيتو الاحتلال ومجزرة وصبرا وشاتيلاو تل الزعتر ولبنان وجنين وجباليا بكفينا وله بدكوا تقضوا علينا . لاء ..بس بدنا نحرر أرضينا ..
"برضوا أرجعنا "
ليست هناك تعليقات:
إرسال تعليق
اتمنى قد استمتعت بكلماتى ولو كان لك راى شارك فى سجل الزوار